那時剛畢業的我們，穿著business attire到不同的航空公司面試，到最後我考進了港航，而妳就考進了港龍做空姐。
我們是小學同學，大家都住同一區，有幾次下班恰巧碰著，就一起坐巴士回家。巴上座位上，一個港航制服，一個港龍制服，便滔滔不絕的聊起來。
我：「點呀？有冇諗過轉過嚟做呀？」
小學同學：「冇呀……呢度好好呀！啲同事好好！返工返得好開心！雖然個更表係好密好chur，但每班機時間轉眼就過！」
之後又撞過妳幾次，次次你都話─「同事好好」、「唔想轉工」，然後我哋實會自拍，紫色同紅色相映成趣。
冇諗過，一個咁瑣碎嘅片段，將會成為回不去了的回憶。
曾經，我用咗啱啱畢業最寶貴嘅5年青春喺航空界。有幾多人，奉獻咗佢哋人生嘅10年、20年、30年……
港龍空姐畀我印象，永遠都係高貴、大方、對服務嚴謹，甚至係我經常自愧不如。
多謝妳，服務咗35年。
Thank you for the flight.
Search